Kum hmasa lamah African Swine Fever (ASF) hrilengin Mizoram a tibuai a, he hri vang hian Mizoramin vawk Thahnem tak a chan tawh. Vanneihthlak takin kuminah he hri hi hmuh a la ni lo.
Kuminah ASF vanga vawk thi a la awm lo a ni mai lo a, Mizoram dinhmun enin, he hri hi Mizoramah a leng rih lo a, he hrileng hi a tawp rih tihna a ni.
AH&Vety department hotute sawi danin, ASF vanga vawk thi emaw tihhlum emaw awmna vawk inah ni 50 hnuah vawk dang a dah leh ngam a, ni 50 hnuah chuan hri hi a awm tawh lo tihna a ni. Mizoramah ni 65 chhung ASF vanga vawk thi a awm tawh lo a, chuvangin he hri hi a leng tawh lo tihna a ni.
ASF vanga vawk thi hnuhnung ber chu 2024 December ni 23-a mi a ni a, Kolasib District-a mi a ni. Chumi hnu ni 65 chhung chu Mizoram a him ta a, Aizawl district phei chu ni 80 vel a him tawh.
Hrileng a reh tawh tia sawi theih ni mah se state pawn aTanga Mizorama vawk lakluh chu khap a la ni a, vawk lakluh khapna order, chief secretary chhuah kha sut a la ni lo.
2021-ah ASF hi Mizoramah finfiah a ni a, hemi hnu hian he hri hian Mizoram hi kum tin a tibuai. Thlasik lai hian a zia Thin reng reng a, nikum khan ASF vanga vawk thi finfiah hmasak ber chu February ni 9-a mi a ni.
ASF hri a leng tawh lo
