Kuminah African Swine Fever (ASF) hriin Mizoram a tibuai a, Mizoramin vawk engemaw zat a chan tawh. Tun hnaiah he hrileng hi a zia telh telh.
AH&Vety department chuan ASF vang hian vawk a la thi tho a, mahse thi a tlem telh telh bakah suat tur pawh a tlem telh telh thu te an sawi.
“ASF hi a zia telh telh a, vawk thi report a tlem telh telh leh hri awmna hriat thar a awm meuh tawh lote hian hrileng a zia telh telh tih a tichiang a,” tiin AH&Vety department hotute chuan an sawi.
ASF vanga vawk thi a tlem telh telh a, hri hmuhna thar a awm meuh tawh lo bawk. Thla tir lamah khan Zawlpui-ah ASF hi finfiah thar a ni a, chumi hnu deuhah chuan Hortoki-ah finfiah a ni leh bawk. Heng hi tun thlaa finfiahna thar chu a ni a, a hma angin finfiahna thar hi a tam tawh lo. Hortoki-ah pawh hian finfiah chu ni mah se a nasa lo an ti.
AH&Vety department hotute chuan kum chawhnu lam, a bikin kum tawp lam hi ASF hrileng a zia hun a ni ve reng reng tih an sawi.
Kumin hian ASF finfiah hmasak ber chu February ni 9-a mi a ni a, nasa vak lovin kum tir lamah khan ASF hi a leng. April vel atangin a hluar a, kum laihawl leh August leh September velah pawh a la nasa a, October-ah a zia tan tih chu an sawi dan a ni.
AH&Vety department hotute chuan khawchin nena a inzawm dan hi sawi thiam a har a, mahse thlasikah a zia thin a, khua a vawhin kum dangah pawh a zia thin tih an sawi. Khaw lumah a nasa thin nia a lan thu an sawi bawk.
Vawk a thi nasa a, hei vang hian hri vanga dam lo tur a tlem tawh ve bawk a ni ang tih ngaihdan chungchangah AH&Vety department hotute chuan vawk a la tam thu an sawi a, vawk dam lo leh rinhlelhawm a tlem tawh hrim hrim tih an sawi.
ASF hrileng a zia telh telh
