ASF la reh fel lo
Vawk hrileng African Swine Fever (ASF) chu hmun thenkhatah a la reh fel loh avangin Kolasib district magistrate chuan an district chhunga an him tlan zawk nan vawk, vawksa leh vawksa atanga siam thil kaihhnawihah mipui zawm tur thupek a tichhuak.
Ram dang leh state dang atangin vawk leh vawksa rep Kolasib district chhungah lakluh khap a ni a. ASF len lohna state-a APEDA-in a pawmpui farm atangin vawksa atanga siam (frozen pork) lak phal a ni; chutihrualin SOP zawm chungin AH&Vety director phalna lak hmasak tur a ni thung.
ASF lenna hmuna puan tawhna hmuna he hri avanga vawk thi, thlakhat chhung a awm tawh loh naah vawk talh leh sa zawrh phal a ni a. Mizorama ASF hri len lohna district-te inkarah vawk leh vawksa lak pawlh theih a ni ang.
Vawk damlo talh leh hralh a khap a. Vawk thi reng reng chinai nen thuk taka phum tur a ni, tiin, vawk thi an awmin AH & Vety-a thawktute hnena report turin a ti.
He thupek chhuah ni – 2023 March 14 atanga ni 60 chhung a huam anga, dan bawhchhia an awm chuan Section 188 IPC hmanga hrem an nih tur thu a sawi a ni.
ASF la reh fel lo
![](https://theaizawlpost.org/wp-content/uploads/tap_logo-min-large.jpg)