Gujarat chu India sumdawnna hmunpui a ni a. India rama industrialist turu ber ber te chawrchhuahna a ni a. A hnianghnarna chu khawpuiah chauh a insawrbing hauh lo bawk. Kachchh a Madhapar khua chu ‘Asia rama thingtlang khua hausa ber’ tia sawi a ni.
He khua hi Bhuj daifem lawka awm niin Madhapar khuaa chengte hian fixed deposit Rs 7,000 crore chuang an nei a, chu chuan an hausak zia a pholang viau.
Madhapar a cheng tam ber te hi Patel community te niin he khuaah hian mi 32,000 vel cheng anga chhut niin kum 2011 kha chuan mi 17,000 vel cheng anga ngaih an ni.
He khuaah hian bank 17 lai a awm a, major public leh private bank HDFC bank, SBI, PNB, Axis Bank, ICICI Bank leh Union Bank etc te pawh an awm vek a. Thingtlang khua pakhat maia chuti zat ban inbun chu thil mak a tling a, bank dang te pawhin branch hawn an tum mek bawk.
He khua hausakna ber chu NRI (non-resident Indian) chhungkua tam vang a ni a, NRI te chuan local bank leh post office ah te kum tinin crore tel sum an deposit \hin a ni. He khuaah hian chenna in 20,000 vel awmin, chhungkua 1,200 vel chu ram pawnah a bik takin African rama chenga awm an ni thung.
Central Africa rama construction business te chu Gujaratis tena an thunun a tam hle a, an tam em em bawk a. Gujaratis tam tak te chu UK, Australia, America leh New Zealand-ah te pawh an awm bawk.
He khuaa cheng tam tak te chu ram pawnah hnathawkin awm mah se, an khua nena inzawmna thuk tak la nei rengin an chenna hmuna sum dah ai chuan an khuaa bank-a sum dah chu an duh zawk nia sawi a ni.
Asia-a khaw hausa ber Gujarat-ah
