Asian 10 Ball Pool Championship 2026-ah Lalrina Renthlei
January ni 24 atanga ni 31 thleng awh tur Asian 10 Ball Pool Championship 2026 khel turin Indonesia khawpui Jakarta-ah Lalrina Renthlei a inlan dawn.
He championship hmachhawn tur hian India atangin National Pool champion lai Shivam Arora, World 6 Red Snooker champion ni lai mek Kamal Chawla leh Lalrina Renthleite pathum hi an inlan thei dawn.
Asian 10 Ball Pool Championship 2026 stage 1 hi nimin atanga tan niin, stage 2 hi January ni 27 atangin an khel tan ang.
Lalrina Renthlei leh Shivam Arora-te hi Stage 2 (main draw)-ah seeded 2 leh 1 an nih avangin an lut tlang dawn a, Kamal Chawla hian stage 1 qualifying a khel thung ang.
Stage 2-ah hian player 48 an awm sa a, stage 1 paltlang player 16-te stage 2 khel tur hian an qualify bawk dawn.
Asia khawmualpuia ram 18 atanga player tha rual 64-te Asia 10 ball championship-ah hian nomawi chawi tumin an inel ang.
Asian 10 Ball Pool Championship 2026-ah Lalrina Renthlei
