Assam-ah firfiak pawl nena inzawm nia rinhlelh pali man
National Investigation Agency (NIA) chuan Pakistan firfiak pawl Jaish-e-Mohammed (JeM) hel pawl nena inzawm nia rinhlelh pali chu Assam Gaolpara district chhungah an man.
NIA team leh Assam sipai tangkawpte chuan an thudawn bawhzui zelin, Goalpara district chhung hmun engemawzah chu an dap tih sawiin, heng palite hi man an ni ta tih an sawi.
An mi mante hming leh nihna pawh hi tarlangin, an zinga pakhat phei hi mosque pakhata puithiam a nih thu an sawi a, NIA Delhi chuan JeM mi leh sa an ni ngei tih finfiahna an nei tha tawk tih sawiin, pawisa kaihhnawihah pawh Kashmir-a JeM te pui thintu an nih thu an sawi.
October ni 5 khan NIA te hian Pakistan firfiak pawl nena inzawm thenkhat lo man tawh bawkin, an zinga pakua phei chu Assam a Goalpara district a mite tho hi an nih thu an sawi bawk a ni.
Assam-ah firfiak pawl nena inzawm nia rinhlelh pali man
