Investigation neih atangin Assam board examination-a Class 10 General Science question paper putru chu WhatsApp kaltlangin Rs 3,000 in hralh a ni tiin Director-General of Police Gyanendra Pratap Singh chuan a sawi.
Singh chuan question paper puhruk dan hriatfiah an tumna lamah WhatsApp te puihna an ngen thu a sawi bawk a.
“Investigation kan neihah General Scinece examination question paper chu Rs 100 atanga Rs 3000 inkara hralh a ni tih kan hmuchhuak a. A thenah Rs 100 tea hralh a nih laiin a thenah Rs 200-300 te, a thenah phei chuan Rs 3,000 tea hralh a ni a A puhrukna bul hriat a nih theih nan WhatsApp te puihna kan dil a ni,” tiin a sawi.
“Ni thum chhunga investigation kan neih china kan hmuhchhuahah kan lawm thawkhat a. Hun rei lo te hnuah kan chin chhuah theih kan beisei a. Investiagtion tihzui zel nan question paper packet thenkhatte chu upper Assam atangin CID headquarter ah kan pelut ang,” tiin a sawi bawk.
Board of Secondary Education, Assam (SEBA) Class 10 matiruclation exam General Science question paper chu March 12 khan a putru a, March 13 exam tur niin exam thulh nghal a ni.
State CID te thil chhuichiang tute chuan mi 25 an man tawh a, an man zingah naupang pawh an tel hial a, mi tam tak thu zawhfiah an nei mek bawk a. Senior official te chuan a bultumtu ber man chhuah a nih ngei tur thu an sawi a. He paper exam hi March 30-ah neih that tura tih a ni.
Assam board exam paper putru chhui
![](https://theaizawlpost.org/wp-content/uploads/tap_logo-min-large.jpg)