Assam in an huamchhungah Bawngsa khap

Assam cabinet meeting thukhawm chuan an state chhunga hotel, restaurant leh vantlang hmunah te Bawngsa khap a rel.
Assam chief minister Himanta Biswa Sarma chuan kum thum kalta vel atanga khap tura inruahmanna hi kalpui tan tawh a nih thu a sawi a, ‘vawiinah chuan hmasawnna nasa zawk kan hmu dawn ta,’ a ti.
Assam hi hmarchhak state-ah chuan Hindu tamna hmun niin, mihring cheng tamna a ni bawk a, khualzinte tan harsatna tam tak a awm zui ngei rinna a lian hle.
Hetih lai hian sorkar chuan an thiltum chu sakhuana nena inzawm tlat a nih avangin Bawngsa khapna chu kaltlangpui chhoh zel a nih tur thu an sawi a, cabinet meuhin a rel thluk tawh a nih avangin endik leh khuahkhirh kawngah an khauh nghal hle rin a ni bawk.