Assam-in High-Speed Economic Corridor

Assam sorkar chuan weekly cabinet meeting an neihnaah 100-km “High-Speed Economic Corridor” road project chu Rs 3,000 crore-a siam an remti.
Cabinet meeting neihna kaihhruaitu Chief Minister Himanta Biswa Sarma leh Assam Tourism Minister Jayanta Malla Baruah chuan high-speed economic corridor hi ‘Asom Mala’ project hnuaia kalpui a ni ang tiin a sawi a.
State cabinet chuan Kaziranga a Judicial Guest House sakna tur an pawmpui bawk.
“Kaziranga-a Judicial Guest House sak nan hian Kaziranga Mouza of Bokakhat revenue circle a Halowagaon revenue village-ah ram 7 Bigha, 2 Katha, 100 Lessa pek a ni a. Guest House sak hian tourism sector nasa taka tihmasawnin Kaziranga National Park tlawhtute top-class hospitality a pe dawn a ni,” tiin Jayanta Malla Baruah chuan a sawi.
State cabinet chuan Commissioner of Taxes hnuaia office building thar sak nan Rs 11.91 crore pek belh an remti bawk a ni.
State cabinet chuan Sipajhar Municipal Board, Eco Sensitive Zone of Bherjan-Borajan- Padumoni Wildlife Sanctuary atan funds pek a remti bawk a. Assam sorkar chuan NABARD atangin Rs 950.43 crore a la ang a, chumi hmang chuan rural road 90 leh rural bridges 4 sak a ni ang tih a ni bawk.
Heng bakah hian State cabinet chuan cabinet meeting chu November thlaah Tinsukia-ah leh December thlaah North Lakhimpur leh January thlaah Nagaon-ah neih ni se an ti bawk.