ASSAM INTHLAN: AIUDF MLA Islam-a’n Congress zawm

ASSAM INTHLAN: AIUDF MLA Islam-a’n Congress zawm
Assam-a assembly inthlan boruak a len mek karah Mankachar bialtu MLA Aminul Islam chuan Nilaini khan Congress a zawm a, All India United Democratic Front (AIUDF)-in a awm dan avanga an party atanga an hnawh chhuah hnuah a zawm a ni.
Islam-a hi thawk khat lai chuan AIUDF hotu ber dawtty pawh a lo ni tawh a, Congress hruaitu hlun, Jitendra Singh-a’n Congress-ah a lawm lut a ni.
Congress a zawm hma hian Islam-a hi AIUDF atangin a bâng a, Asom Gana Parishad (AGP) a zawm hman a; mahse, AGP hian inthlan lo awm tura an candidate-ah an dah tak loh avangin hun rei lo te chauh awmin a chhuahsan leh nghal a ni.
Congress a zawm hnuah MLA hian Facebook-ah Assam Pradesh Congress Committee President Gaurav Gogoi, AICC General Secretary Singh leh Chhattisgarh chief minister hlui, Bhupesh Baghel te nena an inkawm chuan rah chhuah tha tak a neih thu a tar lang.
An inkawmnaah hian Mankachar hmasawnna atan a pawimawh thu sawiin a rah chhuah turin ‘zinkawng thar, thil awm thei tam tak awmna’ a intan dawn nia a rin thu a sawi.
March thla tir khan Islam-a hi kum ruk chhung atan party member a nihna atangin AIUDF chuan an hrem a. Party thupekah General Secretary Hafiz Bashir Ahmed-a’n hming a ziak a, ‘party dodalna thiltih’ chu ‘inhnialna awm thei leh party tichhe thei anga ngaih a ni fo tawh’ tih news agency ANI chuan a tarlang.
Assam-a assembly bial 126-a inthlan hi April 9-ah thawh khata neih a ni dawn a, May 4-ah vote chhiar tura ruahman a nih thu Election Commission of India (ECI) chuan a lo puang tawh a. Rorel lai, BJP kaihhruai NDA sorkar leh Congress inkarah inbeihna nasa tak a awm mek.
Chief Minister Himanta Biswa Sarma kaihhruai BJP sorkarin a zawna term thum nan sorkar tumin an bei mek a, Congress hian rorel lai tangrual pawl chu paih thlaka thuneihna chan an tum ve thung.