India rama paramilitary force upa ber Assam Rifles te chuan Manipur politician chu ‘mipui hriata an hming tihchhiat tum leh an pawl tihmnghlia tum’ tiin legal notice an pe a. Central armed police force te hming tihchhiat tuma chetlaah an puh a ni.
Legal notice hi Maheshwar Thounaojam, national secretary, Repblican Party of India (RPI-Athawale) hnenah August 18 khan pek a ni a.
Assam Rifles te chuan dik lo taka puhna an tawn avangin ziak ngeia mipui hriata ngaihdam dilna phutin leh June 30 a Delhi a ‘Condolence of Meitei Martyrs a a thusawi te chu hnukkir turin an phut bawk.
Hriattirna pek chuan inhmuh-khawmnaah Thounaojam chuan, “Khuaa cheng te chuan Assam Rifles in Kuki hel pawl te chu village defense force te tukzal an nih theih nan an pui a ni. A awmzia chu Assam Rifles te chu Manipur atanga nawrchhuah nghal tur a ni” tia a sawi chu tarlan a ni a.
Hriattirna chuan Assam Rifles te chu ram tan theihtawp chhuaha beitute an ni tia sawiin remna leh muanna, himan leh hmasawnna Manipur-ah a awm theih nan hna pawimawh tak thawk reng an ni a ti bawk a.
Ka client hian kan ram a bik tain northeastrn States a khua leh tui te leh inpumkhatna awm theih nan theihtawp a chhuah a ni, tiin hriattirna chuan a tarlang a. “Hriat reng tur chu Manipur hi AFSPA [Armed Force Special Powers Act] hnuaia awm a ni lo va. Hei vang hian Magistrate in May 3 leh May 5 ah armed forces te chu law and order kengkawh tura a tih anga dah an ni” tiin hriattirna chuan a sawi bawk.
Thounaojam erawh chuan ngaihdam a dil dawn loh thu sawiin democracy ram India angah chuan zalen taka a duh duh sawi theihna a nei a ti a.
“Thuchuhah siam ka nei lo va, zawhna ka zawh zawk a ni. Politician angin ka sawi lo va, Meitei ka nihna anga sawi zawk ka ni. Meitei tin ten Assam Rifles official te Kuki hel pawl te nena an lam ho dan pawh an hre vek a, video pawh a awm reng a ni. Meitei mipui tena an hriatsa vek sawi nawn mai ka ni” tiin Thounaojam chuan a sawi thung.
“Assam Rifles te hian thla hnih chuang tharum thawhna thleng tawhah hian hna pawimawh an thawk em? Nawrchhuah nghal an ngaihna chhan chu Kuki hel pawl te chuan liantham taka tharumthawhna kalpui turin theihna an nei lo. Foreign militants te thlawpna neiin leh kan agency pakhat ten an thlawp a ni. Villagers ten an chhinchhiah vek” tiin Thounaojam chuan a sawi zui bawk.
A hma pawhin Assam Rifles te chuan COCOMI, Meitei civil society organisation lian ber te chuan July 10 khan Meitei mite chu an ralthuam te thuneitute hnena hlan lo tura an tih avangin criminal case an ziaklut tawh bawk a.
May 3 a Kuki leh Meitei inkara buaina chhuak avangin police armouries atangin ralthuam 4,000 chuang ruk chhuahin a awm tawh a. Meitei group leh BJP legislators te chuan Assam Rifles te chu tanbik nei tiin Manipur atanga sawnchhuah an ngiat tawh bawk.
Assam Rifles hi Ministry of Home Affairs (MHA) hnuaia awm te niin operational control erawh Army te hnuaia awm a ni a. Assam Rifles te hi Myanmar boder bula dahin an awm ber a ni.
Assam Rifles ten Manipur politician khing
