Assembly House thar saknan
hmnhma tha kan zawng mek
– Speaker
Assembly House thar sakna tur hmunhma tha an zawng mek tih Mizoram Assembly speaker Lalbiakzama chuan a sawi.
FLAM (Former Legislators Association of Mizoram) chuan Zirtawpni khan Aizawlah annual general body meeting an nei. Hmanpuitu speaker chuan, deputy speaker designated bangla tur chu a hmun ruahman felin sak tan mai tura tih fel a ni tawh a; MLA Hostel hlui pawh thiah a ni tawh a, SASCI sum hmangin sak a ni thei dawn a, a hmun tura duana thei zuarte an insawnna tura ruahmansakah an awm duh loa, mihring inlainatnain ngaihchan mek an ni, tiin, a tul anga bawhzui a nih tur thu a sawi. Assembly House thar sakna tur hmunhma tha zawn mek a ni a, plan leh sum senso ngaizat tur an ruahman chho mek tih a sawi a ni.
Politician-te chu sawrkar hnathawk anga hna atanga ‘retire’ mai thei an ni loha, tuna an chawlh rih avang maia chawl hlen tur an nih lo ti Lalbiakzama hian a sawi a. Ram veia ram tana thawk zel tura intuaihriam reng turin a fuih.
FLAM associate member thi pathum – Agnes Dengchhungi w/o A Thanglura, Lalrinawmi w/o C Ramhluna leh Sikulthangi w/o Sainghaka te sunna hman a ni a. FLAM president Liansuama chuan kum 1972 UT MLA zingah mi 7-in an la dampui chu lawmawm a tih thu a sawi.
Assembly House thar saknan hmnhma tha kan zawng mek – Speaker
