Taiwanese smartphone brand Asus chuan an smartphone tar ROG Phone 9 Pro leh ROG Phone 9 Europe-ah an tlangzarh a, ROG Phone 9 Pro hi 16GB RAM + 512GB storage chu EUR 1,200 (Rs 1,00,000 vel) man niin, ROG Phone 9 hi 12GB RAM + 256GB storage chu Eur 1,099 (Rs 98,000 vel) man a ni ve thung a, Asus ROG Phone 9 Pro Edition chu 24GB RAM + 1TB storage niin, EUR 1,500 (Rs 1,33,000 vel) man a ni ve thung. Asus ROG Phone 9 series te hi India-ah pawh tun thla chhungin an tlangzarh hmanin a rinawm.
Asus ROG Phone 9 series hian Android 15-based ROG UI an hmang a, Qualcomm Snapdragon 8 Elite chip neiin, gaming smartphone a nih ang ngeiin ROG GameCool 9 cooling system a nei a, hei hian phone hman rei avanga a sa tur pawh a vawng dai tha dawn hle a ni.
6.78-inc fullHD+ (1080×2400 pixels) Samsung AMOLED LTPO display neiin, 165Hz refresh rate, HDR10 a support a, a display hian Always-On a support a, 2,500nits peak brightness neiin, a screen hi Corning Gorilla Glass Victus 2 a thuam a ni bawk.
A hnungah camera pathum- 50-megapixel Sony Lytia 700 1/1.56-inch sensor (f/1.9 aperture), 13-megapixel ultra wide-angle camera (120-degree field of view) leh 5-megapixel macro camera a nei a, ROG Phone 9 Pro hian 5-megapixel aiah 32-megapixel sensor (OIS, 3x optical zoom) a nei tel thung. A hmaah 32-megpixel RGBW camera a nei a, a camera hian AI feature hrang hrang a support zingah AI Object Sense leh AI HyperClarity te pawh a tel.
Connectivity-ah chuan 5G, 4G LTE, Wi-Fi 7, Wi-Fi Direct, NFC, Bluetooth 5.4, GNSS, GLONASS, Galileo, BeiDou, QZSS, NacIC, 3.5mm audio headphone jack, NFC, USB Type-C port a support a, sensor hrang hrang a neih zingah accelerometer, ambient light sensor, e-compass, gyroscope, air trigger leh proximity sensor a tel a, in-display fingerprint sensor neiin, face recognition a support bawk.
Asus ROG Phone 9 leh ROG Phone 9 Pro te hian 5800mAh battery neiin, 65W charging leh 15W wireless charging an support a, minute 45 chhungin a battery 0-100 percent a charge hman niin an chhal a, a battery hian video streaming darkar 22.1 a daih niin an chhal a, IP68 certified dust & water resistance a ni bawk.
ROG phone hmasa te ang bawkin Asus ROG Phone 9 series hian microphone pathum neiin, an company kutchhuak in-house noise reduction technology a nei a, Dirac Virtuo technology a support bakah Hi-Red Audio certification neiin, AI-based gaming feature a neih zingah X sense, X capture leh AI grabber te pawh a tel.
Asus ROG Phone 9 Pro Edition hian ROG Phone 9 leh ROG Phone 9 Pro te neih ang zawng zawng a neih bakah AeroActive Cooler X Pro a nei tel bawk.
Asus ROG Phone 9 series
