Aizawl Theological College chuan August 15 zing khan anmahni hmunah Independence Day an lawm a. Hmanpuitu MLA Dr Vanlalthlana’n national flag pawtpharhin, college tualah hun hman zui a ni.
MLA Dr Vanlalthlana chuan New Delhi lama ram impumkhatna chungchang sawi a nih lai a, ram chhung buaina kan neih dan kalhmang chu a inhmeh lo hle tih sawiin, “Thusawi leh thiltih inang lo lutuk hnuaia India ram hruai a ni mek hi a pawi ka ti takzet a. Independence Day vawi 77-na champha hmu thei tawh leh hmasawnna nasa tak nei tawh inti si hian, ram chhungah hnam tlemte intibuai kan tudai thei lo hi chu thil inhmeh lo tak a ni,” a ti.
Kohhran miten dan siamtu MLA-te endikna sahal atan dan kan ngaihpawimawhna leh harsatna hrang hrang kan neihte sutkianna atana dan siam belhte chu hmang tawh turin a ngen tih a sawi a. “Kohhran hruaitu kalkhawm hian kan dan neihte tihdanglam emaw thil tha zawk nia kan hriatte chu dan hmang bawka kenkawh dan tur ngaihtuah thin se; draft bill-te hi mithiamte nena tanghoa siam a, kan ram siamthatna atana politician-te kaihharhna atana hman a thain ka ring,” a ti.
ATC hi Rev DE Jones hoin kum 1907-a din a ni a, tunah non teaching staff 34, teaching staff 31 leh zirlai 203 an awm a ni.
ATC-ah I-Day hmang
