Kum 2016 daih tawha a career-a a thlensan bera World No 3 lo thleng ve tawh veteran Indian tennis player Rohan Bo-panna chuan ATP mipa double ranking thar tarchhuahah pen hniha kaisangin World No. 9 nihna nen kum sarih hnuah top 10 a luahkir ve leh ta.
Kum 43 mi ni tawh Bopanna hi season tir lam khan ranking-ah 19-na niin, nikum khan khup hliam avangin Davis Cup leh tourna-ment dang thenkhatah a inlan thei lo a; tun season-ah erawh tournament 13 tehreng khel zo tawhin, kumin March thla Indian Wells Masters-a a Australian kawppui Matthew Ebden nen an champion phei kha chuan ATP Masters 1000 toruna-ment title la thei upa ber a nihtir ta hial a ni.
Kumin kumtir Fe-bruary thla khan Bo-panna leh Ebden thawkdun hi Qatar Open-ah champion bawkin, May thla Madrid Open final an thleng bawk.
Singles ranking lamah Sumit Nagal chuan world No. 256 luahin, top-ranked Indian men’s singles player a ni a; world No. 212 kai chho Asian Games bronze medallist Ankita Rai-na chu India hmei-chhe zinga women’s singles player tawng sang ber a ni thung.
Raina hi women’s doubles lamah world No. 149-na niin, Indian zinga sang ber a ni nghal bawk.
ATP ranking-a top 10 luahkir Bopanna
![](https://theaizawlpost.org/wp-content/uploads/2023/05/atp-1.jpg)