Qualifier Mariano Navone ngam loin nimin khan champion lai Cameron Norrie chu ATP Rio Open semi-final match pakhat zawkah 6-4 6-2-in a tlawm.
Tun kha Argentine Navone tana ATP final a luh vawikhatna niin, Rio khawpui lum uap hnawng churh hnuaiah British number one aiin boruak a tuar thei zawk niin a lang a, a chipui Sebastien Baez nena final an khel result erawh tarlan hman a ni lo.
Kum 28 mi Norrie hian nikum final-ah khan Carlos Alcaraz a hneh a, Brazilian clay court tournament-a champion zawn a tum laiin final-ah damdawi thiamte enkawl ngaiin hliam na lutuk lote a han nei zui a, boruak sa bawk nen world number 113-na Navone tihte mai mai a hneh lo ta mai a ni.
Tun kha Australian Open last 16 a thlen hnua Norrie tournament khelh vawihnihna niin, a hmasa zawk Buenos Aires-ah pawh world number 106 Federico Coria a hneh lo tawh bawk.
ATP Rio Open semi-final pakhat zawkah Argentina player ve ve intawngin, world number 30 Baez chuan Cerundolo laka 7-5 6-4 hnehna changin, final lamah pawh a chipui bawk, kum 22-a upa Navone a su zui leh ta a ni
Los Cabos lamah Australia mi Jordan Thompson chuan a career-a a ATP title hmasaber a hlawhchhuak a, kum 11 chhunga a vawikhatna a ni.
Thompson hian a career-a a ranking neih sanber world number 40 nihna nen Mexico ram tournament hi a khel a, final-a a khingpui Norway player, world number 12 Casper Ruud lakah rin loh takin 6-3 7-6 (7-4) hnehna changin ATP title a sualchhuak ve ta nge nge.
ATP Rio Open: Defending champion Norrie a tla
