PC party chuan two wheeler taxi-te mipui rawngbawlna atana an pawimawhna hria in, sawrkarin hmang tangkai thiam se an duh tih an sawi.
PC hruaitute hian Thawhlehni khan Aizawl Two Wheeler Taxi Association (ATTA) office Aizawl ami an tlawh a. Anmahni lo dawngsawngtu ATTA president Lalhmunmawia chuan Mizoram Societies Registration Act 2005 (Act No 13 of 2005) hnuaiah 2018 July 9-ah an pawl hi an inziaklut a, State Transport Authority rate bituk chu long run-ah member-ten zawm tha thawkhat mah se, Aizawl chhungah erawh zawm kim an harsat tih sawiin, sawrkar nen inrawn tawna rate bituk that an duh tih a sawi.
Society Act hnuaia inziaklut an nih angin, dan kenkawh thu ah sawrkar aia hma an lak chak theih zawk tur thu ATTA hruaitu hian sawiin, tun aiin Transport department leh Traffic Police ten ATTA chu chhawr tangkai thiam se a duh tih a sawi a ni.
Tunah hian ATTA member 3500 vel an awm a, hmun thenkhat stand an neih lohna hmunah mimal hmun thlatin Rs. 46000 chawia an luah thu leh hmun hrang hrangah pawh stand fee an chawi thu an sawi.
‘Two wheeler taxi hi mipui nena inhne hnai tak, mipui tana rawngbawlna pawimawh tak chelh an nih avangin an pawimawhna sawrkarin hria se, tun aiin mipui tan hmang tangkai thiam se kan duh a ni,’ PC thuchhuak chuan a ti.
ATTA hmang tangkai turin sawrkar ngen
![](https://theaizawlpost.org/wp-content/uploads/tap_logo-min-large.jpg)