August 2023 Mizo Hit Chart-ah Youngfella x Zaii Hauchhum leh Jonathan Lianhna an No.1
Zo-Event Organisation leh Runmawi chuan August 2023 Mizo Hit Chart an tichhuak leh ta a, lengzem lamah Youngfell x Zaii Hauchhum an No.1 a, gospel-ah Jonathan Lianhna a No.1 ve thung. He chart hi tha thum chunga YouTube-a music video entu ngah dan atanga tehin ranking siam thin a ni a, tun tum chart-ah hian June ni 1 atanga August ni 31 thlenga viewer an neih tan atangin ranking hi siam a ni.
Lengzem No.1 Youngfella x Zaii Hauchhum ‘Val Senior’ hi June ni 5-ah YouTube-ah upload niin, August ni 31 thlengin vawi 43,93,266 en a hlawh hman a, hei hi chart-ah a No.1 pui ta a ni.
Chart top10-ah hin Youngfella leh Zaii Hauchhum te hian hla pahnih an nei ve ve a, ‘Val Senior’ bakah Youngfella hian Smiley a thawhpuina ‘Thiamthu’ chu No.4 a nih pui a, Zaii pawhin ‘Bawihtuai’ tih chu No.8 a nih pui bawk.
Saiwana Sailo leh Mary Dawngi ‘Ka Pa Khuma’ chu July ni 18-a upload chauh kha ni mah se vawi 37,33,228 en hlawh hmanin No.2 a ni pha tho a ni. He music video hi chart ranking siam nana an hun lak, thla thum chhungin thla khat leh a chanve pawh tling mang lo chiah hun a nei a, chuti chung chuan a No.2 a ni pha tho a ni.
Evenflow hla hit, July ni 15-a YouTube-a an upload ‘ANA’ chuan vawi 11,55,323 en hlawh hmanin, No.5-ah awmin, he music video pawh hian thla khat leh a chanve awrh chauh hun a nei hman a, chuti chung chuan top 5-ah a lang pha tho a ni.
Mendal hla hit ‘Ka pan a ti’ hi chart a lang thei tur viwer chhiar theih chhunga ni 20 vel awrh chauh a awm tihah, August ni 11-a upload niin, August ni 31 thlengin vawi maktaduai 1.2 en a hlawh hman, chart No.6-ah a debut pha tho bawl a ni.
Gospel chart-ah July ni 22-a upload Jonathan Lianhna ‘Nun |obul’ chuan vawi 9,84,589 en hlawh hmanin No.1 a ni. Gospel chart a lang music video zingah thla thum chhunga vawi maktaduai en hlawh pha an awm lo a, rei tak a chawlh hnua rimawi lama rawn kir thar leh ta Nancy Zothanmawii’n top 10-ah hla pahnih a nei a, ani hian thla hmasa chart-ah pawh top 10-ah hla pakhat aia tam a lo lanpui tawh bawk a ni.
MIZO HIT CHART
LENGZEM
1. Youngfella x Zaii Hauchhum ‘Val Senior’ (43,93,266 views)
2. Saiwana x Mary Dawngi ‘Ka Pa Khuma’ (37,33,228 views)
3. JNY, Richie Fanai, Eddie boy, Lesky hype, Guru Gee, Lil Kiki ‘I Hma A Ding’ (24,08,515 views)
4. Youngfella x Smiley ‘Thiamthu’ (22,07,314 views)
5. Evenflow ‘ANA’ (11,55,323 views)
6. Mendal ‘Ka Pan A Ti’ (12,52,907 views)
7. Lilac & Jack ‘Ka Thlang Che’ (9,46,379 views)
8. Zaii Hauchhum ‘Bawihtuai’ (8,66,261 views)
9. Rebecca Lallawmsangi ‘Thisen’ (8,52,909 views)
10. Lil Kiki, Lesky hype, S. Dawg, Gershon ‘I Mawi Mah Mah’ (8,34,853 views)
GOSPEL
1. Jonathan Lianhna ‘Nun Tubul’ (9,84,589 views)
2. Zorema Khiangte ‘Ka Lawmna Ber’ (2,48,383 views)
3. Nancy Zothanmawii ‘Hmana Kan Nunhlui’ (2,27,267 views)
4. Thawhlehnaniropuia ‘Nihna’ (1,68,378 views)
5. One in Christ ‘I Tello Chuan Lalpa’ (1,61,363 views)
6. Nancy Zothanmawii ‘Vahvaihna Ram’ (1,60,842 views)
7. Lalthansangi ‘Zion Lal Thu’ (1,59,320 views)
8. Ramthar Veng Pastor Bial Zaipawl ‘Khawvel Hnehna’ (1,54,155 views)
9. TBC Zaithanpuia ‘Khualzin Cham Mai Ka Ni’ (1,29,881 views)
10. Seraphic Choir ‘Lalpa A Rinawm’ (1,29,527 views)