Colinisation kha Australia a thil thlenga ‘lawmawm ber zawk a ni’ tiin Australian prime minister ni rei ber dawttu John Howard chuan a sawi.
He a thusawi hi kumina referendum pawimawh tak Indigenous recognition kaihhnawih neih tur chungchang a sawina a ni a.
A hlawhtling a nih chuan Australia constitution thlak danglam ni dawnin chumi hmang chuan First nations mipuite chuan dan leh policy anmahni kaihhnawih thilah sawi nasa zawkin an nei thei dawn a ni.
Mahse inhnialna nasa tak a thleng mek thung a. Howard chuan colonisation kha ‘pumpelh theih loh’ tiin Australian newspaper in an kawmnaah a sawi a.
“He ram tana vanneihthlak ber chu British tena min awp kha a ni tih ngaihdan ka nei a ni,” a ti a; “An famkim hauh lo mai, mahse European ram dang coloniser dang te ai chuan an hlawhtling zawka hlawkna an keng tel tam zawk,” tiin a sawi a ni.
Australia-in referendum a neih tur Voice to Parliament chu kum 1999 hnua referendum neih leh hmasak ber tur niin kum 2023 kum tir khan neih a nih tur thu Prime Minister Anthony Albanese an a lo puang tawh a, ruahmanna kalpui zui mek a ni.
Pawm a nih chuan Australia a First nation mite an population tlahniam zel leh Australian dang te aia rethei zawk leh zirna lamah pawh hnufum zawkte chuan thil tam takah hamthatna changin sawi an nei thuk zawk thei dawn a ni.
Australia-a thil thlenga lawmawm ber Colonisation ti
