Australian Open a inlan tur Wozniacki
Tennis chawlhsan zuai taw Caroline Woz-niacki chu Australian Open 2024 hmachhawn turin wilcard pek a ni.
Tennis hmeichhe player zinga hriat hlawh pawl tak, World No 1 hial pawh ni chunga Grand Slam-a champion harsat tlat thin Wozniacki hi Australian Open 2018 khan a champion nawlh a. Hei hi Grand Slam-a a champion awmchhun a ni zui ta nghe nghe. Australian Open-ah a champion a, fa pahnih a neih hnuin August 2020 khan Tennis a chawlhsan. A chawlh renrawn hnuin kum September 2023 khan inelna hma-chhawn turin a kir leh. A kir leh hnuin US Open-ah fourth round a lur a, champion zui ta Coco Gauff hneh lovin a tlawm.
US Open atanga a tlak hnuin inelna lian a hmachhawn zui rih lova, Australian Open 2024 hmachhawn theih na wildcard pek a ni ta thung. Australian Open 2024 hi January ni 14-ah khelh tan a ni ang a, Wozniacki hian a lo champion tawhna hmun ah champion nawn leh ngei a tum ang.
Australian Open 2024 khelh a nih hma hian Brisbane International khelh a ni dawn a. He inelna hi 31 December-ah tan a ni ang a, 7-January ah zawh fel a ni ang. He inelnaa inlantur player langsar tak tak zingah Andy Murray, Rafael Nadal, Naomi Osaka, Aryna Sabalenka leh Elena Rybakina te an tel.
Australian Open a inlan tur Wozniacki
