Australian Open: Defending champion Keys chak phawt

Australian Open:
Defending champion Keys chak phawt
Australian Open title a kawl lai humhim tura a chetchhuah vawi khatnaah Madison Keys chuan Thawhlehni zan khan 7-6(6), 6-1-in a first round match-ah Ukraine nula Oleksandra Oliynykova a hneh a, second-round match lamah a chipui Ashlyn Krueger a tum leh ang.
Rod Laver Arena-a champ lai laka set hmaa zawk la teuh ve tak Oliynykova kha Grand Slam-a a inlan vawi khatna niin, a kawlhrawng angreng!
Inkhelh banah Keys chuan defending champion ni chunga match hmasaber khelh harsatna hungchang sawi chhuakin, a nervous hlek tih a sawi a, a hnu lama a insiamrem leh theih tak avanga a hlim em em thu a sawi.
Australian Open trophy hmanga Grand Slam title hmasaber latu layer an awm nual tawh a, chu’ng zingah chuan kum 30 mi Madison Keys hi hmeichhe lam bikah upat lama palina niin, thla 12 kalta khan Melbourne Park-ah hian a career-a a Grand Slam trophy hmasaber a hlawhchhuak.
Ninth seed Keys hian nikuma major title a lak bak kha kum 2025-ah title dang hlawhchhuah a nei lo a; tun season-ah hian AO inbuatsaihna tournament ahnih Brisbane leh Adelaide-ah quarter-final paltlang zo loin a tla ve ve.
Tun hi Grand Slam tournament-a vawi 50 a inlanna ni tawhin, a first round match-ah khan Ukrainian 92nd-ranked Oliynykova lakah set khatna a la hram a, set hnihnaah erawh harsatna a tawk zui ta lo a ni.
Inkhel dangah wildcard Taylah Preston chuan home fans tan hlimna a thlen a, a Grand Slam match hmasaberah 6-3, 2-6, 6-3-in Chinese Zhang Shuai a hneh a; he tih lai hian Australia number one Maya Joint erawh second round lut zo loin Tereza Valentova chuan 6-4 6-4-in a hnawt chhuak.
Nizan khan Australian Open-a tum hnih champion ve tawh Naomi Osaka chuan set inbeihnaah 6-3 3-6 6-4-in Antonia Ruzic a hneh hram a; a kum 23-na birthday a lawm ni takah Ruzic khan player tawn hriat ngah a chhaihbuai pha viau mai a, Grand Slam-a a vawi hnih inlanna lek ni lo ang maiin champion hlui lakah a inlan a, set hnihna a la ve hial a ni.
Japanese pawhin a tumpui kha fakin, tunhma lama a la hmachhawn ngai loh player a nih thu leh an intawng nawn leh a nih pawhin tennis game ropui tak an khelh leh ngei a rin thu a tarlang tel a; Australian Open chu a tournament ngainat zinga pakhat a nih thu a sawi.
Australian Open ni khatna Pathianni khan British player inlante chetha viau mah se a ni hnihna leh ni thumnaah erawh an tla phak phak mai!
British number two Sonay Kartal chu 7-6 (7-3) 6-1-in 31st seed Anna Kalinskaya lakah a tlawm a; British number four Katie Boulter pawh straight-set 6-0 7-5 hmangin women’s singles 10th seed Belinda Bencic chuan Margaret Court Arena-ah a hneh ve bawk.
Nikum kan Boulter hian Emma Raducanu lakah British number one nihna a hloh a; Australian Open-ah hian world number 113 niin a inlan a, midang inhnuhdawh avangin last minute-a main draw chang ve chiah a ni.
|um hnih lai major semi-finalist ni ve tawh Swiss Bencic hian second round-ah Australian Daria Kasatkina hnehtu Czech tleirawl Nikola Bartunkova a m leh ang.
Thawhlehni khan US Open runner-up Leylah Fernandez pawh 6-2, 7-6(1)-in Janice Tjen chuan a vaw tla a; 22nd seed Fernandez ngamtu Tjen kha kum 28 chhunga Indonesian zinga Australian Open match hnehna chang leh hmasaber a ni.