Award sang dawngtu
naupang an lawmpui
India rama naupang chawimawina sang ber Pradhan Mantri Rashtriya Bal Puraskar 2025 dawngtu Esther Hnamte chu Social Welfare, Women & Child Development Department chuan an minister Lalrinpuii hoin Nilaini khan Aizawlah lawmpuina a hmanpui.
Minister chuan Mizorama hmeichhia leh naupangte dinhmun chawikannaa hma latu department an nih angin Women & Child Development chu department pawimawh tak a ni tih a sawi a. Esther Lalduhawmi Hnamte award dawn theihna tura hma latu North East Zone Cultural Centre leh Art & Culture Department hmalakna chhuawnawm a tih thu a sawi. Mizoram, India pumpui leh khawvel hmaa Mizote hmel tilangtu a ni, tiin, hma hun eng tak nena kal zel turin duhsakna a hlan tih a sawi a ni.
Pradhan Mantri Rashtriya Bal Puraskar hi Ministry of Women & Child Development hnuaiah category 7 – Bravery, Art & Culture, Environment, Innovation, Science & Technology, Social Service leh Sports lama naupang titha bikte hnenah hlan thin a ni a. Esther Hnamte hian Art & Culture hnuaiah India President Droupadi Murmu hnen atangin 2025 December 26 khan a dawng a ni.
Award sang dawngtu naupang an lawmpui
