Kum 1989 khan sangha mantu Costa Rican mi Gilberto Chito Shedden chuan Parismina lui kamah hian Awle (American crocodile) hliam tuar chau zet mai hi a chhar a, a lu-ah silaia kah a lo ni a, a lo thi tep tawh a.
Shedden chuan chu Awle hliam tuar chau zet mai chu an in lamah a phur haw ta a, a thiam ang angin a enkawl a, arsa leh sangha te pein a chawm zui a, a hmingah ‘Pocho’ a vuah a; ngai awh leh turin thla tam tak enkawl a ngai nghe nghe a ni.
Pocho chu a lo dam tha leh ta a, chutia a lo chak that leh tak hnu chuan an in bul luiah chuan Pocho chu a chhuah zalen ta a. Mak tak maiin Pocho chuan amah enkawltu Shedden chu a kalsan duh bik hauh lo; an in bul luiah chuan a tap ve ta chawt a.
Shedden nen chuan ni tin an inkawm a, an infiam a, tui an hleuh dun a, chhungkua ang maiin an khawsa zui ta a. Chutiang chuan inkungkaihna nghet leh tha tak mai neiin kum 20 chuang zet chu an khawsa dun a, mahse kum 2011 khan Pocho chuan a thianpa Shedden chu a peihloh san ta; a tar thi a ni ber awm e.
Pocho hi Squirres mipuite pawhin an uiin an sun hle a, khawtlangin an vui liam ta nghe nghe a ni. Nungchate hian lainattu leh duhsaktute chu an lo hre ve hle a ni.
Awle ngainatawm
