Awlsam zawka sawrkar dawr
theihnan dan tihtlem lam sawi
Mipui tan sawrkar dawr awlsamna atana sawrkar dan leh dun tihtlem kawnga sawrkar laipui hmalakna ‘Compliance Reduction and Deregulation Phase II’ chungchang sawihoin chief secretary Khilli Ram Meena kaihhruaiin Ningani khan an thukhawm a. Cabinet Secretariat special secretary, Centre’s Task Force on Deregulation and Compliance Reduction head KK Pathak leh a team-te an tel.
Chief secretary chuan mipui zawm tur dan leh dun sawrkarin a tihtlem chu mipui tan sawrkar dawr a awlsam zawkna atan leh ram hmasawnna atan a pawimawh tih a sawi a. Phase I-ah ngaihpawimawh bik, priority area 23 zingah Mizoram sawrkar chuan 17 hlawhtling takin an zo tawh tih a sawi a ni.
Special secretary KK Pathak pawhin phase I-a Mizoram sawrkar hnathawh fakawm a tih thu a sawi a. Phase I-a India state hrang hrang hnathawh that dan indawtah Mizoram chu 12-na niin, phase II-ah chuan hei aia titha lehzual turin sawrkar official-te a fuih.
Phase II-ah hian priority area 23 leh optional priority area 5 thlan a ni a. Heng zingah hian in sak phalna awlsam zawka pek, sumdawngmite tana license neih ngai tihtlem, rang zawka kawlpetha thlunzawm dan tur, khualzinte tana thlenna tur nuam leh tlawm siam leh thil dang a tel a, line department hotute nen sawiho a ni.
Awlsam zawka sawrkar dawr theihnan dan tihtlem lam sawi
