Mizoram Synod enkawl damdawi in pahnihah sawrkar kum kalta chhung khan damlo awm man pe thei lo mi 863 an awm a, Charity Fund atangin an damdawi in bill Rs. 2,18,04,753 peksak an ni.
Thawhlehnia Synod Hospital Board thutkhawm vawi 147-naa report-ah hei hi tarlan a ni a. Sawrkar kum kalta khan Central Kohhran Hmeichhia atangin Synod Hospital tan Rs. 10,79,316 leh John Williams Hospital tan Rs. 4,00,000 dawn a ni.
Kumin April thla chhung khan Synod Hospital-ah mi 1049 admit an ni a, nau piang 128 awmin mitthi 25 an awm. Hospital OPD leh Dr. Fraser’s Clinic-a inentir chu an vaiin mi 6292 an ni. John Williams Hospital Lungleiah kumin January – April chhungin OPD-ah mi 1969 an inentir a, damlo 357 an admit a, nau dama piang 72 awmin mitthi 2 an awm a ni.
Synod moderator Rev R Vanlalnghaka kaihruai Hospotal Board thutkhawmah hian Nursing College recruitment rules leh Hospital Manual enthat rawtna, MRI dahna buatsaih leh a lei dan tur bakah thil dang ngaihtuah a ni.
Awm man pe thei lo damlo 863 awm
