Ayodhya-ah hlum bati chhi tam record siam
October ni 30 khan Hindu te tana khawpui thianghlim Ayodhya a Saryu lui kama 55 ghats le Ram ki Paidi-ah te hlum bati (diya) 25,00,000 chuang chhiin record an siam a, vedacharyas (vedacharyas- sakhaw lehkhabu zirtirtu) 1,121-in a rualin ‘aarti’ an ti a, hei pawhin hi hmun khata aarti ti ta ber record a ni bawk. An diya chhit zat hi drone hmangin an chhiar a ni.
Guinness World Records adjudicator Pravin Patel chuan, record an siam thu hi a puang a, siya hi 25,12,585 an chhi a, hetiang bati tum khata hmun khata chhi tam ber record a ni. A hmaa hetiang record chu Deepotsav 2023-a an siam niin, hemi tum hian bati 22,23,676 an chhi ve thung.
Hetianga Deepotsav a Ayodhya-a Saryu lui kama bati tam tham tak chhit hi 2017 atanga an chin tan a ni a, Ayodhya hi Lord Ram pianna hmun, Hindu sakhaw betute tana khawpui thianghlima ni. 2017 khan bati 1,71,000 chhiin record an siam a, 2018-ah bati 3,01,00, 2019-ah 4,04,000, 2020-ah 6,06,000, 2021-ah 9,41,000, 2022-ah 15,76,000 leh 2023-ah bati 22,23,000 chhiin record an lo siam tawh a ni.
Ayodhya-ah hlum bati chhi tam record siam
