Ayodhya Mosque sak tur thlak danglam

Ayodhya a mosque sak tura tih chu Supreme Court-in Babri mosque thubuai a chinfel hnu kum li hnuah pawh brick pakhat pawh rem a la ni lo va. Chutih hma chuan tunah hming thar nei der tawhin design thar nen ruahmanna siam a ni.
“Community te chuan a hmaa design kan neihah reservation kan nei a. Mite chuan kan mosque chuan mosque a ang lo an ti a ni. Chuvang chuan a design thlak kan duh a ni,” tiin Zufar Ahmad Faruqi, Uttar Pradesh Chairman of the Sunni Waqf Board chuan a sawi a. Tuna design thar hi Pune-based architect, Imran Sheikh ruahman a ni bawk.
Tuna mosque design thar hi chu a hma ang lo takin Muslim community te sakhua biakna hmun a ni tih a langsar nghal tih a ni bawk a. Minarets, crescent moon te Islam sakhuain a bika an ngaihte bakah Prophet hmingte pawh tarlan tur a ni bawk a.
“He mosque 4,500 square metres huam chhung awh tur hi a hmingah Mohammad Bin Abdullah tih a ni ang,” tiin Faruqi chuana sawi bawk.
A hmaa mosque hming chu ‘masjid-e-Ayodhya’ tih niin zero-carbon-footprint design chu S.M. Akhtar, Jamia Millia Islamia University, Delhi faculty of architecture founder-dean design a ni thung.
Mosque blueprint hmasa chuan hospital, community kitchen, library leh research centre, Maulvi Ahmadullah Shah, freedom fighter nia kum 1857 a British te laka independence sualtu hming chawia sak a nei a.
November 2019 khan Supreme Court Constitution Bench chuan Ayodhya-a temple sak remtihna pe in chulai hmun chu kum zabi 16 laia sak tawh Babri Masjid dinna a ni a. Hundu fundamentalist tena an chhutchhiat a ni.
Court-in thupek a siam phek 1,000 chuangah chuan court chuan sorkar chu Ayodhya ngeiah Centre emaw Uttar Pradesh sorkar chu Sunni Central Waqt Board tena mosque an sakna tur five-acre ram pe turin a ti bawk a ni.
Sunni Central Waqt te chuan a hnuah Indo Islamic Culture Foundation chu mosque sak lama hma la turin a din a. Uttar Pradesh sorkar chuan Ayodhya city aTanga 25 km a hlaah ram acre nga IICF te chu a pe zui ta bawk.
Mumbai-a meeting neihnaah erawh IICF aiawhte an tel lo thung a, IICF a tel te chu tuna mosque design tharah hian an lawm lo thung tih niin a design hlui zawk kha ‘secular’ rilru pu a design zawk a ni, an ti bawk.
“Kan duh angin thil a thleng lo. Temple sak lam aimahin he ram hi mipuite tana hman tura ruahman kan ni a. Kan tumah kan hlawhchham a ni,” tiin mosque dinna lama sulsutu pakhat chuan a sawi.