Badminton lallukhum humhimtu Axelsen
Olympic champion lai Viktor Axelsen of Denmark chuan Paris Olympic Games 2024 men’s badminton final-ah 11-21, 11-21-a Thailand shuttler Kunlavut Vitidsarn hnehin badminton men’s singles Olympic gold medal a kawl lai a humhim.
Final-a hnehna a chan hnuah Axelsen hi Danish flag-in a intuam a, a champion-na badminton racket chu mipui zinga naupang vannei pakhat hnenah a hlan.
Paris-a Denmark gold medal hmasaber a hlawhchhuah rualin Axelsen hi Denmark lal Frederik Xan chuan a be nghe nghe.
A title kawl lai a humhim hnuah Dane chuan a gold medal match khel lai kha a hmuna thlirtu Danish supporter sang engzat chiah nge pungkhawm tih hre lo mah se a chipui engemawzat hmaa gold a awrh nawn leh thei mak leh ropui a tihzia hahipa sawiin, “Vawihnih ngawt mai han champion ngawt mai chu min shock ve lo thei lo a, eng ber nge sawi tur tih pawh ka hre lo,” a ti.
Axelsen hi men’s singles shuttler zingah Chinese mihrang Lin Dan tih loha a zawna Olympic men’s badminton gold medal tum hnih la thei awmchhun niin, badminton player piang chhuak tawh zawng zawng zinga tha bera ngaitu ngah Lin Da khan Olympic gold medal tum hnih a awrh bakah vawinga ngawt World champion nihna a chang.
Chinese hnung a zui hnuah Viktor Axelsen chuan Lin Dan kha a ngaihah chuan khawvela badminton thiam ber (G.O.A.T) a nih thu leh Olympic bikah chuti ang mi thlen chin a tawngbaw ve ta chu a hlimin, a inchhuang takzet tih a sawi.
Final-a chak zo ta lo Vitidsarn kha world number eight niin, a silver dawn kha Thailand history-a badminton Olympic medal hmasaber a ni a, Paris bikah pawh Thailand medal dawn hmasaber a ni bawk.
Thawhtanni khan Paris khawpuia Port de La Chapelle Arena-ah bronze medal match khelh niin, India medal beiseina pakhat Lakshya Sen a chak zo lo a, Malaysia player Lee Zii Jia chuan Sen-a lakah 13-21 21-16 21-11 hnehna changin bronze a awrh.
Badminton lallukhum humhimtu Axelsen
