Kum 23 teh meuh an nghah hnuah Mohun Bagan chuan Pathianni khan khawvela trophy upaberte zinga mi Durand Cup title an lawm leh thei ta a, Kolkata khaw derby-ah sikhat faia an hmelma lian ber East Bengal hnehin a tum 17-na’n an champion a, kum 2000 hnu lama he title an lak vawikhatna niin, khami kum khan final-ah golden goal hmangin Mahindra United an hneh.
Final match-ah hian Bagan player Anirudh Thapa chu minute 62-ah hnawhchhuah ni mah se player 10-a khel chungin minute 71-ah Petratos-a solo goal pui tak hmangin hnehna an sualchhuak zui ta tho a ni.
Australian player Pe-tratos hian a thiamna ril tak lantirin East Bengal de-fence a paltlang hnuah pen 25 vel zet atangin goal pui tak a thawnlut a, East Bengal goalkeeper Pra-bhsukhan Singh Gill chuan a thlirlut hman hram a ni!
Hun tawp dawn mi-nute 10 la awmah East Bengal coach Carles Cuadrat goal zawngin Nishu Kumar, VP Suhair leh Edwin Vanspaul luhtir mah se Mohun Bagan boss Juan Ferrando chuan tlarhnungah player pariat tehreng a rem-khawm a, defence lai-hawlah Anwar Ali chu lungpui lian ang maia khawngin a khel bawk a, ke thar pathum pawhin Bengal an tlawm tur an chhan zo lo.
Second-half extra time boruak sang takah East Bengal assistant coach Dimas Delgado leh Fe-rrando inhniak lawkin, an inbakkaih nawk nawk hnuah Delgado chu red card hmanga hnawh-chhuah a ni.
Minute 86-ah Edwin Vanspaul chuan box pawn atangin ball hlauh-awm a thawnlut a, Anwar Ali chuan lo dang hman hlauhin, East Bengal siphurh sut bei-seina a thamral.
Mohun Bagan hian 2004 Durand Cup final-a 1-2-a an ngam lo East Bengal lakah phuba an la a; tun thlengin Bagan hi Durand Cup final-ah vawithum tlawm tawh-in, a hnaivaiber chu kum 2019 maia Gokulam Kerala (1-2) an hneh loh kha a ni.
East Bengal hi na-tional-level title lak kawng-ah an mir lo rei ta hle a, Pathianni zana an chak zawh leh tak loh avangin kum 11 chhung zet chu an kut a chawl ta a, senior-level title a lak hnuhnunber chu kum 2012 Federation Cup trophy kha a ni.
Bagan kutah Durand Cup trophy
