Bakhmut khawpui venhimna chu a let hniha tihpun a ni dawn tiin Ukraine President Volodymyr Zelensky chuan a sawi a.
Western analysts te chuan kar kalta tawp lam khan Ukraine chuan a sipai thenkhat a lachhuak tawh a, Russian sipaite chuan khawpui an hnaih tawh hle tiin an lo sawi tawh a.
Moscow chuan Bakhmut hi a thla a thla lak tuma a hel tawh niin he khawpui avanga inbeihna hian nunna tam tak a la tawh a ni.
Local officials te chuan khawpui kawtthlerah pawh inbeihna a thleng nasa tiin an sawi a, Deputy Mayor Oleksandr Marchenko chuan Russia chuan khawpui an la thunun lo tiin a sawi a.
Chutih laiin Wagner private army hotulu ber Russian campaign neih meka sulsutu ber Yevgeny Prigozhin thung chuan a sipaite leh Russian sipaite inkarah boruak tha lo a awm avangin ralthuam an mamawh ang nei lovin an tlachham mek tiin a sawi thung a.
A sipai aiawhte chu Russian military headquarter pawh thei lova siam mekin an awm tiin a sawi bawk.
Bakhmut hian strategic value anga thlir chuan pawimawhna a nei sang lo tia sawi a ni a, mahse, Russian commander te chuan tun thlengin an la la thei bik chuang lo.
Bakhmut hi an la thei a nih chuan Russia chuan Donetsk region pum thununna lamah awlsam zawkna a nei thei dawn thung.
Zelensky chuan a sipai general te nen Bakhmut chungchang sawihona an neih thu sawiin, “Inhnuhdawh aiah sipai tam zawk tirhluha tihchak zawk nise an ti,” tiin a sawi a.
“Inlungrual taka thutlukna siam a ni a, kei ngei pawhin commander in chief chu Bakhmut a kan sipaite an mamawh anga puihna pe turin ka ti zui nghal a ni,” tiin a sawi.
Bakhmut beih nan hian Russia chuan hmatawnga a hman ber te chu Wagner forces te niin mahse tun hnaiah an hotupa ber chuan Russian sipaite nena thu inkalh an neih thu a sawi chhuak ve ta thung bawk.
Bakhmut khawpui venghim tur tirh belh tum
