Balhla leh lakhuih thar tam
Kum kalta chhung khan balhla chu Mizorama thei thar tam ber a ni.
Horticulture minister Prof Lalnilawma sawi danin, kum 2023- 2024 leh 2024- 2025 kal mekah an department-in a chhinchhiah chinah thei thar tam zual zingah balhla chu thar tam ber niin, metric ton 14502 thar a ni a; a dawttu chu lakhuihtheih niin MT 29183 thar a ni. Thingfanghma, grape, sapthei, Dragon fruit te pawh thar tam zual zingah hian a tel tih a sawi.
VC inthlanpui hma deuha Sialhawk lakhuihthei tharchhuah quintal engemawzat chu hralh lohin a chhe nasa nia thu thang chu department-a report a awm lo tih minister hian a sawi a. Horticulture department chuan loneitute thlai leh thei thar hi a hralhna lama harsatna an nei a nih chuan theih ang angin a pui thin tih a sawi.
Loneitute zingah political party-a awmna nei awm ve mah se, party lak nat lutuk loh a tha hle tih sawiin, hemi kawngah hian loneitute pawh fimkhur a that thu leh party-a inbeihna zawnga lak chuan thawh hona a that theih loh a hlauhthawn thu te a sawi a ni.
Balhla leh lakhuih thar tam
