Ball lian chunga ding a lir thui thei record siam
Finland a cheng Jasmin Saaristo, kum 25, chuan ball lian chunga dingin engtia thui nge a thlen theih tih a inenchhin a, meter 1,100 a thui a thleng thei a, ball chunga dinga lir thui thei ber record a siam.
Rolling globe emaw walking globe emaw an ti mai thin a, circus lam thiam thil a ni a, thil mum lian chungah dingin, juggling an tih loh pawhin gymnastic stunts eng eng emaw an ti thin a. Jasmin pawh hi thil mum lian chungah dingin, ball chu a rap lir a, a lirh rualin a balance hloh lo turin a insiam rem pah zel a, ball atanga tla lovin meter 1,100 a thui kalin record a siam ta a ni.
Jasmin chuan, “Hmanhmawh lovin, fimkur takin ka bei a, meter 500 vel ka thlen chuan ka ke a na tan tawh khawp mai. A na chu ngaihtuah loh ka tum ngial a, mahse, a na telh telh bawk si a, hai der luih theih pawh a ni lo. Hetiang khawpa thui ka thleng thei tih pawh hi ka awih lo lek lek zawk. He record hi rei tak ding se ka ti khawp mai,” a ti.
Ball lian chunga ding a lir thui thei record siam
