Bana Kaih duhte dilna endik

Bana Kaih duhte dilna endik
Bana Kaih policy-ah sawrkar department 15 kaltlanga progress partner dilna lut endikin Mizoram State Policy Coordination Committee hnuaia Apex Body chu Zirtawpni khan an thukhawm a. Heng department ho detail project report thehluh 520 an endik.
Thutkhawm kaihruaitu adviser to chief minister (Implementation of Hand-holding Policy) Dr KC Lalmalsawmzauva chuan, Bana Kaih Scheme hnuaia kuthnathawktute thlai thar hralh tan mek a ni chu lawmawm a tih thu a sawi a. Hemi rual hian eizawnna bultan tum leh eizawnna nei sa, tihchangtlun tum, bana kaih tlakte thlang chhuak tura an thukhawm thei pawh lawmawm a tih thu a sawi.
Hand-holding scheme hnuaia progress partner ni tur a dilna hi, implementing department 15 kaltlang hian 11430 a awm a. Implementing department-te zirchianna atangin hmalak pui tlaka ngaih, DPR thehluh 520 chu tun tumah hian endik a ni.
DPR thehluh zawng zawnga loan dil hi Rs. 61,30,72,748 a ni a, chawhrualin DPR pakhata loan dil zat hi Rs. 12,16,414 ang a ni. Progress partner, Bana Kaih hmanga hmalakna ngelnghet kalpui chhunzawm zel tura theihna nei leh midang tana eizawnna siam thei hmalakna ngaihpawimawh a tul tih sawi a ni a. Thutkhawmnaa dilna pawm ho hi bank-in uluk takin a endik leh dawn tih sawi a ni bawk.