Bana Kaih turte inzir tan
Planning & Programme Implementation department buatsaihin Thawhlehni khan sawrkarin an bana a kaih turte chu an tih tur leh hmalak dana hriat ngai hrilhhriat an ni.
He hun hmanpuitu Mizoram State Policy Coordination Committee vice chairman, adviser to CM (Handholding) Dr KC Lalmalsawmzauva chuan thlai thar lei an zawhfel thawkhat tawh avangin tunah chuan flagship programme – Bana Kaih Scheme lamah chak zawkin hma an la thei tawh turah an ngai tih a sawi.
“He scheme hi Mizoram dinchhuahna leh hmasawnna tur hnukpui a nih avangin hlawhtlin kan tum takzet a. Fimkhur pawh kan fimkhur. Bana kaih tur zawng zawngten kan thu puanchhuah hi an hriat bel hle a ngai,” a ti.
MSPCC member LP Lalchangkima chuan Bana Kaih Scheme dawng turte hriat tur pawimawh sawiin, bank loan an lak rulh dan tur, Bana Kaih hnuaia loan scheme pawimawh zual – PMEGP, MUDRA, KCC, NLM (vety subsidy), Stand Up India – Start Up, RBS (Bank Regular Scheme) atanga guarantor chungchang leh, dahkham chungchangah corporate guarantee hnuaia loan cover a nih dan tur, sawrkarin progress partner-te a puihna bank loan interest leh guarantee chungchang a sawifiah
Bana Kaih turte inzir tan
