Bana Kaih turten awlsam zawka
loan an lak theihnan MoA ziak
Mizoram sawrkar chuan CGTMSE (Credit Guarantee Fund Trust for Micro and Small Enterprises) scheme chungchangah SIDBI nen Thawhlehni khan thawhdunna thuthlung (memorandum of agreement) an ziak.
CGTMSE hi sawrkar laipui Ministry of Micro, Small & Medium Enterprises (MSME) leh SIDBI-in MSME tan manufacturing leh service pek kaihhnaih eizawnna hrang hrang, liantham si lo ten hma an lakna atana sum mamawh phuhruk tura awlsam zawka loan an lak theihnana ruahman a ni a. CGTMSE hnuaiah hian MSME loan la te chu an loan lak atanga 75-85% thleng guarantee pek sak a ni thin a; hemi atan hian loan latu in fee a chawi a ngai thin.
Bank lam tan risk ala san deuh avangin loan dilna tam tak hnawl a lo ni tawh thin a. SIDBI nena Mizoram sawrkar MoA hnuaiah hian Bana Kaih Scheme 2024 atangin 95% thleng guarantee tih san a nih dawn bakah Mizoram sawrkar chuan guarantee fee a tum sak dawn avangin dahkham leh guarantor ngai loin awlsam zawkin loan a lak theih dawn a ni.
MoA ziah hriatpuitu Mizoram State Policy Coordination Committee vice chairman Dr KC Lalmalsawmzauva chuan, MoA-ah hian progress partner-te bana kaihna turin Mizoram sawrkar chuan loan rul tha te chu loan pung an rulhna a rul let zel dawn tih a sawi a ni.
MoA ziahnaah hian partner bank – SBI, MRB, MCAB leh Finance department aiawhte bakah Handholding Scheme hnuaia nodal officer-te an tel.
Bana Kaih turten awlsam zawka loan an lak theihnan MoA ziak
