Assembly House chhunga a thusawia ding ngam a, bang turin Sports minister an phut tih ZPM Thalai chuan an sawi.
ZPM Thalai hi Ningani khan Assembly House bul, Treasury Square ah pungkhawmin, dawt sawia an puh Sports & Youth Services minister Robert Romawia Royte hi bang tura phutin an aurual a ni.
ZPM Thalai Hqrs. thuchhuak chuan, state aiawha footballer fehchhuak inhliam chungchangah he footballer inhliam nen hian phone-a an inbiak loh thu Sports minister-in Assembly Session-a a sawi chu dawt a ni, tiin, infiammite phatsannaah an ngai tih a sawi. MLA Pu Lalduhoma’n a thiam lohna pawma patling taka Pu Robert Romawia Royte ngaihdam a dil ang bawkin, Pu Robert Romawia hi he footballer inhliam nen hian phone-a an inbiak ngei avang leh, dawt a sawi chuan ban hial a inhuam avang te, deputy chief whip Pu Lalrintluanga Sailo duh dan ang ngeiin, Pu Robert Romawia Royte hi a thusawiah ding a, minister a nihna atangin leh Mizoram Legislative Assembly member a nihna atangin patling taka bang ngam turin an phut tih a sawi.
Phone hmanga inbiak leh biak loh chungchangah Pu Robert Romawia Royte phut ang ngeia Inquiry Commission din turin Assembly speaker an phut tih a sawi bawk.
Sports minister chu Sports department a enkawlna kawngah phullem phaha duhtawk maiin, a taka infiammiten an biak phak leh an mamawh huna an koh ei phaka a awm loh avangin Sports minister ni tlakah an ngai lo tih a sawi a ni
‘Mizoram rorelna in sang berah infiammite thlavang hauha nasa taka auchhuak ngam ZPM leader Pu Lalduhoma hi kan chhuang a, infiammiten hliam an tawrha ngaihthah an nih thin avanga hun rei tak chhung infiammite hreawm leh inthlahrung reng renga an awm lai a, infiammite tana ding ngam leader kan nei hi thlamuanthlak kan ti hle,’ ZPM Thalai chuan an
Bang turin Sports minister phut
![](https://theaizawlpost.org/wp-content/uploads/2023/02/zpm-1024x768.jpg)