Bangladesh in hnam tlem zawkte
tihduhdahna an pawm, hma la mek
Bangladesh sorkar lailawk chuan August thla atanga Sheikh Hasina paihthlak a nih hnua hnam tlem zawkte chunga tihduhdahna thleng chu an pawm thu a sawi.
Hnam tlem zawk a tihte hi a tlangpuiin Hindu an ni tlangpui a, an chunga tihduhdahna thleng hi 88 chuang a nih thu sawiin, hma an lak mek thu a sawi a ni.
Sorkar lailawk hruaitu Muhammad Yunus a press secretary Shafiqul Alam chuan ngawrh taka pawikhawhna thlentute zawn hna an thawh thu sawichhuakin, mi 70 chuang chu man an nih tawh thu a sawi.
India foreign secretary Vikram Misri chuan Bangladesh hruaitute nen an inkawmnaah hnam tlem zawkte chunga pawikhawihna thleng hi sawichhuakin, hma la tura ngenna a thlen hnuah he thil hi sawichhuah a ni.
Bangladesh sorkar thupuangtu Alam chuan August 5 atanga October 22 thleng khan thubuai hrang hrang an dawn atangin mi 70 chuang man an nih tawh thu a sawi a, sorkar chuan chak taka hmala rengin, democracy tundin chu an sorkar tum ber a nih thu a sawi thar bawk.
Bangladesh in hnam tlem zawkte tihduhdahna an pawm, hma la mek
