Indian Super League club-te’n national team player an kawlte an chhuah that duh loh avanga team duhthusam lo zet nena Hangzhou Asian Games pan ta Indian football team chu an bultanna inkhelah Thawhlehni khan mual-neitu China chuan 5-1 ngawtin an sawp a, Ni-nganiah captain rangka-chak Sunil Chhetri goal khat tihluh hmangin Bangladesh lakah 1-0 hnehna an sualchhuak a, Group A atanga round of 16 lut turin beiseina thar an nei a, Pathiannia an group match hnuhnung-berah Myanmar an su leh phawt ang a, an dinhmun a chiang ang.
India head coach Igor Stimac chuan China an ngam loh tuma a starting line up atangin pathum a chawlhtir a, Dheeraj Moirangthem chuan goalkeeper Gurmeet Singh thlakin, Sumit Rathi aiah Chinglansana Singh a lut a, Rohit Danu chuan Rahim Ali a thlak ve bawk.
India chakna game-ah hian Mizo player awm-chhun Lalchungnunga paw’n khelmual a lut.
|henawm Bangla-desh lakah pawh Blue Tigers hi an chak zo lo leh teuh hle a, hun tawp hma minute nga la awma Bangladesh captain Rah-mat Bryce Miranda penalty chawi hmangin kum 39 mi ni tawh veteran Chhetri chuan goalkeeper tlukna lamah dan phak si lohin chakna goal awmchhun a chhuih-lut a, tournament bultan nia Bangladesh laka 1-0 hnehna bawk lo chang ve tawh Myanmar an hneh leh a la ngai.
Bangladesh lakah India chak
