Second half tir lama Vitor Roque goal khat thun hmangin kar laihawl inkhel pakhatah Barca-in hnehna an chang a, Spanish La Liga table-a an din-hmun erawh hei hian tidanglam pha loin pa-linaah an thu chhun-zawm zel rih.
He goal hi Barce-lona tana Roque goal thun vawikhatna niin, tun season kal lai La Liga bika Barca goal kua hi substitute player-te thun a ni.
Season tawpa an coach Xavi chhuah tur nemngheh a nih hnua an game hmasaberah Bar-celona hian boruak rit ru tak chungin mikhual an thleng a; first half-a goal an khung zawh loh hnu second half minute 63-ah Joao Cancelo cross chhawrin lut thar hlimhlawt Vitor Roque chuan chakna goal awmchhun a tilut.
Minute li a liam leh tihah an buaina belh-chhah turin Brazilian rawlthar kum 18 mi Roque laka ‘foul’ Osa-suna defender Unai Garcia hnawhchhuah a ni a, a tam zawk an nihna hi home team pawhin goal thun belh kawngah an chhawr zui thei ta bik chuang lo.
Ti hian, league khelh 22-a point 47 hum chungin Barca hian palina an thut chhun-zawm a, hmahruaitu Girona lakah point riat zetin an la hnufual.
Karliamta Inrinni home game-a 3-5 laia Villarreal an ngam loh hnu lawkah boss Xavi chuan a chhuah tur thu a sawichhuak a, a kalbo hmaa result tha thei ang ber mamawh Spaniard coach tan Nilaini zan result kha tha tak tur a ni.
Osasuna game tir lam minute nga an khel tling hlawt tihah forward Ferran Torres chuan mittui nen hliam avangin khelmual a chhuahsan a; an bultanna a duhawm loh ang bawkin inkhel thununtu mualneitu team-in first half-ah goal thun an harsat a, Jules Kounde chuan goal kham chungah tum hnih ngawt a tauhchhuak.
Roque goal luh hnu-ah table 12-na luahtu Osasuna lamin red card avangin Unai Garcia an han chan zui leh a, chuti chungin an siphurh sutna hun tha an hmu nual a; minute 15 la awmah Raul Garcia chuan goal ban tihperin, Barca keeper Inaki Pena pawhin pui takin Jon Moncayola goal tur a dansak ve bawk.
Nilaini zan inkhel dangah Atletico Madrid pawhin 2-1-in an mi-khual Rayo Vallecano an hneh a, table-ah pa-thumna an thut zui zel
Barcelona 1-0 Osasuna
