US-a indoor air quality expert te chuan bati rimtui chi (scented candles) leh inchhung boruak tih rimtuina (air freshner) te hian kan taksa tana tha lo chemicals tam tak a kengtel niin an sawi.
Oregon Environmental Council a mithiam te chuan heng chemical te hi kan hriselna atan pawh a pawi thei niin an sawi a a, bati rimtui leh air freshner te hian indoor air pollution a thlen ni a sawiin, Joe Coleman, Oregon Environmental Council a mi chuan, “A chang chuan khuh satliah leh mit thip te a thlen thei a, chu aia nasa zawk pawh a thlen thei,” a ti.
Bati leh thil rimtui thenkhatah hian chemical thenkhat, company ten a label-a an tarlan si loh te a awm thin a, thenkhat chuan ‘fragrance’ tih ringawt ten an tarlang thin a, a siamna hmanrua te tarlan chian loh tam tak a awm thin.
Coleman chuan a hmangtu ten an hriat miah lohin bati rimtuiah hian chemical tam tak a awm niin a sawi a, thenkhatah chuan ‘phthalates’ te a tel thin. Phthalates hi rim ti chambangtu ber a ni.
Environmental Protection Agency chuan phthalates hian nau pian fuh lo (birth defect) leh reproductive problems a thlen thei niin an report bawk.
Bati rimtui hrisel lo
