Tunlaia Aizawl leh a chhehvela bawng natna hrileng chu AH & Vety department hotute chuan khuahkhirh theihah an inngai tawh tih sawiin, Mizoram pumah hri danna pek nghal a nih thu an sawi.
The Aizawl Post zawhna chhangin AH & Vety deputy director (Disease Investigation & Epidemiology) Dr Zohmingthangi chuan, tun dinhmunah bawng natna, Lumpy Skin Disease (LSD) avanga thi bawng pathum an awm tawh a; vei mek pahnih chiah an awm tawh. Bawngsa lei theih tura zawrh chhuahte chu vety doctor-ten uluk takin a him leh him loh an zirchiang vek thin tih a sawi a. Bawng natna hrileng chungchangah mipui chiai lo tur leh bawng hri vei tharte report nghal zel turin ngen.
LSD a leng tih an hriatin department chuan theihtawp a nghal tih sawiin, district tinah hri danna an pek nghal vek bakah he hri vei mek bawng ho chu uluk taka an enkawl thu a sawi bawk.
Bawng hri khuahkhirhah ngai
