Karnataka Animal Husbandry Minister K. Venkatesh chuan anti-cow slaughter legislation nuai bo an tum dawn anga thusawina a neih chuan Opposition BJP te ti lawm lo hlein Thawhtanni leh Thawhlehni hian Congress sorkar laka lungawilohna State pumah an lantir.
Bawng talh khapna hi sorkar hmasa BJP te khan an core ideology anga an ngaih niin dan siamah pawh ngaih paiwmawh bera an neih a ni a. Congress Minister-in hetiang dan hi nuai bo a ni dawn tia a sawi chu an duh lo hle a. BJP te hian tun hnai lawka Karnataka Assembly poll-ah chak lovin sorkar-na an hloh a ni.
“Congress sorkarin anti-cow slaughter legislation kalpui an tum hi kan remti dawn lo. Thawhtanni hian State pumah Thawhlehniah Bengaluru-ah lungawilohna kan lantir ang,” tiin BJP State general secretary and MLC N. Ravikumar chuan a sawi a. “Sorkarin a ruahmanna a thlak lo a nih chuan nasa zawkin kan che zel bawk ang,” tiin a vau lawk bawk.
Hei bakah hian ni hnih chhung lungawilohna an lantir turah chuan sorkarin free power supply sorkar in a pekah ceiling (bituk) a siam chu an duh loh thu leh chumi duhlohna an lantir tur thu a sawi bawk.
Chief Minister hlui leh BJP leader Sabavaraj Bommai chuan Animal Husbandry Minister-in eng vangin nge bawng upa talh an nih mai loh ang tia a sawi chu la na hle in, “Bawng te nen hian rilru lamah inthlunzawmna kan nei a, kan biak an ni bawk a. Eng vangin nge kan talh tehlul ang,” tiin Bommai chuan a sawi zui nghal bawk.
Hetih lai hian Congress leader leh Minister Vinay Kulkarni, dairy farmer ni reng thin bawk chuan anti-cow legislation chu a duh loh thu leh hnawl a ngai a ti thung a.
“BJP leader te hian bawng chungchang an sawi ve ringawta a chanchin hria an awm lo va, an vulh ngai hek lo. Vulh ngai lo ta na chuan engmah an hrethiam lo va, Bawng pa HF breeds te hian loneitute tan hlutna an nei lo, tu te nge enkawl ang?” tiin zawhna a siam ve thung.
Bawng talh khap tihtawp tumna BJP ten hua
