Tunhnaiah Bawngkawn chhehvelah Dengue natna a hluar deuh avangin he natna pudarhtu thosi leh an tui tih hlum tumin Thawhtanni khan damdawia phuh (fogging) beihpui thlak a ni.
Health department sawi danin, Bawngkawn Local Council huamchhungah Dengue vei an tam a. Data an neih danin kumin January atanga August inkar hian Dengue Elisa vei mi 30 hmuh chhuah an ni tawh. July leh August chhung khan rapid test hmangin 103 hmuh belh leh niin, Dengue vei pun zel loh nan fogging hi tih a ni.
Dengue tam runpui hi Mizoramah September thla vel atanga a intan thin avangin Dengue leng thei laka mipui kan him theih nan mahni in leh a vela tui tlin theihna tibo a, tuizem tha taka chhin leh thosilen tha taka zar turin Health department chuan mipui a chah a. Khawsik leh tihrawlna, Dengue natna lanchhuah dan nia inringhlelte chu damdawi inah thisen test tir thuai turin a chah bawk.
Bawngkawnah Dengue vei tam
