Bawrhsap-in MJA-te a kawm
Lunglei district bawrhsap thar Navneet Mann chuan inhmelhriatna atan Mizoram Journalists’ Association (MJA) Lunglei District member-te chu Nilaini khan a kawm.
Bawrhsap chuan Lunglei district hmasawnna atan, mipui vantlang tan leh kuthnathawktute hmakhua ngaiin theihtawp chhuah a tum tih a sawi a. Chumi hlawhtlin theihna atan chanchinbumite leh mipui thawhpuina leh tawiawmna a ngen tih a sawi. District dinhmun leh mamawh zirchiang hmasa a, a tul ang zela hma lak a tum tih a sawi bawk. MJA member-te chu amah bengvar a, finchhuah a, thurawn pe thin tura sawmin, an ngaimawh zawngte pawh a hnena thlen hreh lo turin a chah.
MJA member-te hian Lunglei district leh khawpui enkawlna kawnga an ngaihpawimawh thil hrang hrang leh mipui mamawh an hriatte bawrhsap hi sawipuiin, hma lak ho dan tur an sawi a ni. MJA Lunglei District president Laltlanthanga chuan District MJA-ten bawrhsap hmasate leh sawrkar department hrang hrang tha taka an thawhpui tawh thin angin, bawrhsap thar pawh chu tha taka thawhpui an tum tih a sawi a ni.
Bawrhsap-in MJA-te a kawm
