Lunglei district bawrhsap thar Navneet Mann, IAS chuan Zirtawpni khan R Lalthazuala, MCS hnen atanga mawhphurhna la in a hna a zawm.
Bawrhsap thar Navneet Mann hi Amritsar Punjab chhuak niin, New Delhi-ah an inbengbel. Mount Carmel School, Anand Niketan New Delhi-ah school a kal thin a, Indira Gandhi Delhi Technical University for Women Delhi atangin Bachelor of Technology (Computer Science & Engineering) a zo. Kum 2020 batch AGMUT cadre Indian Administration Service (IAS) officer niin, Jammu & Kashmir sawrkar hnuaiah assistant commissioner hna leh Delhi sawrkar hnuaiah sub- deputy magistrate, special secretary (Home) leh Municipal Corporation of Delhi deputy commissioner hna a lo thawk tawh a. Mizoram sawrkar hnuaia thawk tura sawn a nih angin, 2024 October 28 khan a zawm a, Mizoram sawrkar hnuaia a mawhphurhna hmasa ber atan Lunglei district bawrhsap tur hian ruat a ni.
A pasal Shivam Siddharth hi Indian Police Service (AGMUT 2020) officer niin, Siaha district superintendent of police a ni ve thung dawn a ni.
Bawrhsap tharin a hna zawm
