Thawhtanni daih tawha Bayern Munich thuchhuah chuan an player hlui Max Eberl kha an sporting director thar atan an senglut tih an puang a, March ni 1 atangin a hna thar a zawm ang.
Kum 50 mi Eberl hian kum 14 chhung zet Borussia Monchengladbach-a director of sport hna a chelh hnuah RB Leipzig managing director for sport hna a chelh leh a, chu hna atang chuan nikum September thla khan an petchhuak a, hna nei loa a awm ren rawn hnuah Bayern-in June 2027 thleng an club tana thawk turin contract an ziahpui ta a ni.
Bayern Munich hi a zawna Bundesliga title 11 la thei an nih laiin a vawi 12-na turah kumin hian an talbuai zui ta tlat a, tun dinhmunah league table-a hmahruaitu Bayer Leverkusen chu point riat zetin an pha lo mek a, insiamthat an tumna kawngah an player hlui chu sporting director thar atan an ruai dawn ta a ni.
Bayern sporting director thar Max
