Baptist Church of Mizoram rorelna sang ber, Assembly vawi 127-na chu BCM Salem Veng biak in, Lungleiah Nilaini zan atang khan tan a ni.
BCM Assembly hian Pathianni zan thleng a awh dawn a. Ningani atanga tanin Inrinni tlai thleng Assembly Rorel neih a ni ang. Pathianni chawhmaah Pastor nemnghehna inkhawm a awm anga, chawhnu lamah Lalpa Zanriah Inkhawm buatsaihin, zanah Pathian biak inkhawm a awm dawn a ni.
Ningania rorelah hian president-elect atan Rev. F Ramdinmawia, Shillong Pastor bialtu chu thlan a ni.
Report-a a lan danin, Mizoram Baptist Kohhranah hian tualchhung kohhran 680-ah member 176404 an awm a, mission field hrang hrangah missionary 1300 an thawk mek. April 2022 leh February 2023 inkar, thla 11 chhunga thawhlawm lut tawh chu Rs. 76,231,059 a ni a, kum kal lai target khum tawhin, target khumna hi Rs. 36,580476 a ni a, khumna zat chu zaa 96.30 a ni.
BCM rorelna sang thukhawm
![](https://theaizawlpost.org/wp-content/uploads/tap_logo-min-large.jpg)