Beih an tawh hnuah loneituten kawng zawh titawp rih
Punjab-Haryana loneitute lungawi loten Delhi thlenga kawng zawh an tum chu Haryana-ah venhimna thawktuten an lo beih nasat avangin an titawp rih.
Pathianni khan loneitu lungawi lote hi ram khawpui pan tumin an thawkchhuak leh a, Haryana-ah venhimna hnathawktute chuan mittui tlakna hlo hmanga lo beiin, rip takin an lo dolet a, hei vang hian an kawngzawh lai pawh an titawp lailawk rih.
Loneitu lam hruaitute chuan nimin tlai khan hemi chungchang hi an ngaihtuah thu an sawi a, an awm zel dan tur pawh an puan theih thuai an beisei thu an sawi.
Shambu ramri an pelh dawn laiin beih an tawk nghal tih kawngzawhtute chuan an sawi a, mittui tlakna hlo leh water jet hmanga hnawhdarh an nih thu thuthar thehdarhtute hmaah an sawi nasa hle.
Sorkar laipui chu loneitute hmalakna chungchangah hian a la ngawi tluang zel a, eptu party te chuan sorkar chhaih buai nan an hmang chhunzawm reng bawk a ni.
Beih an tawh hnuah loneituten kawng zawh titawp rih
