Beihpui thlaknaah Naxal hruaitu kaphlum
Anti-Naxal Force (ANF) chuan Karnataka-a Upudi district-ah Naxal hruaitu Vikram Gowda an kahhlum thu an sawi a, he beihpui thlakna hmun hi ramngaw zau tak niin, zanreiah an che chhuak tih an sawi.
An kahhlumna hi Hebri bial chhung a nih avangin Hebri police sub-inspector (SI) Mahesh TM chuan he thu hi sawi chiangin, zan laia beihpui thlaknaah Naxal ho hruaitu lawk tak kahhlum a ni, a ti a. Beihpui thlakna hi zanreia neih a nih avangin ANF lamah thi leh hliam an awm loh thu a sawi.
Madhya Pradesh director general of police (DGP) Sudhir Saxena chuan beihpui thlak hma lawk hian a ruk takin Naxal ho laka beihpui thlak dan tur hi a officer ho a sawipui a, chet chhuah hi an nei ta niin sawi a ni.
Pathianni khan Balaghat-a Raoopjhar police station area hnuaia Duglai khaw bul ramngawah Hawk Force jawan leh Naxal ho inkapin, Hawk Force jawan pakhat chu na takin kahhliam a ni a, Gondia private hospital-ah hruai nghal a ni. Hemi thlen hnu ni khat pawh a ral hmain DGP ruahmanna ang hian ANF te hian Naxal lakah beihpui hi an thlak ve ta niin report chuan a tarlang.
Beihpui thlaknaah Naxal hruaitu kaphlum
