Tottenham midfielder Rodrigo Bentancur chu chi inthliarna lam hawi comment a neih vangin FA chuan game sarih ngawt khel thei lo turin an hrem.
Bentacur hian Tottenham tan a khelhpui Son Hueng-min chu fiamthu thawh nan a hmang a. Khawchhak lam mite chu mit zim vek an nih vangin hriat hran an har a. Son ngei pawh hi amah ni lovin, a unaupa zawk a lo ni reng mai thei a sin tiin a comment. Fiamthu thawh thiam viauah inngai bawk mah se sawisel a hlawh zui ta hle. A \awngkam mawi lo tak vang hian Son hnenah pawh ngaihdam a dil thuai naa tui baw hnu a ruh theih tawh loh angin pawi tur a lo pawi zo vek tawh a ni.
Chi inthliarna lam hawi thusawi a neih vangin FA chuan Bentacur hi September thla khan £100,000 zet an lo chawi tir tawh a. A hnuah hremna na zawk tichhuak lehin khelh sarih khel thei lo turin an hrem zui leh ta a ni.
Bentacur an hrem
